बरसे बरखा के रिमझिम फुहार सखी
नाचे बन के मयूरा छमा-छम सखी |
बाग लहसे बगीइचा लहसे, लहसे
अंगना में मेहदी के पतिया सखी |
नाचे बन के मयूर छमा-छम सखी |
अमुआ बौराइल कुहुके कोयलिया
झुलुआ झुलावे ना आइले सजनवा
अरे पपीहा के बोलिया साले सखी
नाचे बन के मयूर छमा-छम सखी |
अम्मा से बाबा टोह लगावें, पूछे
ननदी बैरनिया की सास बैरनिया
कइसे कहीं काहे हहरे करेजवा
भईले नोकरी बलम के बैरनिया सखी
नाचे बन के मयूर छमा-छम सखी |
झींगुरा के झन-झन से बेंगवा के टर-टर
बीच रतिया में बिहँसे छतवो-दीवारवा
गईली सखिया-सलेहर गवनवा सखी
अरे जियरा में गड़ी जाला सूल सखी |
No comments:
Post a Comment